لندن ۔ 6 اپریل ۔(سیاست ڈاٹ کام) برطانوی وزیراعظم اور اپوزیشن لیڈر کے درمیان ہونے والے بریگزٹ مذاکرات ناکام ہو گئے ۔برطانوی قائد حزب اختلاف جریمی کاربن نے وزیر اعظم تھریسامئے پر سمجھوتہ نہ کرنے کا الزام لگایا ہے ۔ادھر یوروپی یونین کی جانب سے بریگزٹ کیلئے ایک سال کاوقت دئیے جانے کا اشارہ کیا ہے۔ اس سے قبل برطانوی وزیراعظم تھریسامئے نے بریگزٹ میں توسیع کے لئے یوروپین یونین کو خط لکھ دیا تھا۔10-ڈاؤننگ اسٹریٹ سے جاری کئے گئے بیان کے مطابق برطانوی وزیراعظم تھریسامئے کی جانب سے بریگزٹ میں توسیع کیلئے یوروپین کونسل کے صدر ڈونلڈ ٹسک کو خط لکھا گیا ہے ۔
