حیدرآبادیکم نومبر(یواین آئی)اے پی کے رائل سیما کا ضلع کرنول ان دنوں سوائن فلو کی لپیٹ میں ہے ۔تازہ معاملات کے ساتھ اب سوائن فلو کے معاملات بڑھ کر 36تک جاپہنچے ہیں۔اس مرض کی علامات کے ساتھ دو افراد کو اسپتال میں داخل کروایا گیا ہے ۔ضلع میں جاریہ سال اب تک سوائن فلو سے 12افراد کی موت ہوگئی ہے ۔نیشنل سنٹر فار ڈیزیز کنٹرول اور انٹی گریٹیڈ ڈیزیزسروے لینس پروگرام کے مطابق سوائن فلو سے متاثر ہونے کا زیادہ خطرہ بچوں ، ضعیف افراد،حاملہ خواتین اور ہیلت ورکرس میں ہوتا ہے ۔ڈاکٹرس نے کہاکہ عوام کو چاہئے کہ وہ بہر صورت احتیاطی اقدامات کو یقینی بنائیں۔ انہوں نے شہریوں کو مشورہ دیا کہ وہ وہ شدید بخار’ چھینک’کھانسی اور بدن درد جیسی سوائن فلو کی علامات پر اسپتال سے رجوع ہوں۔ شہری’ پرہجوم مقامات میں جانے سے گریز کریں’ وقفہ وقفہ سے اپنے ہاتھ دھوتے رہیں’ہاتھ ملانے سے گریز کریں’ چھینک یا کھانسی آنے پر اپنے منہ پر ہاتھ رکھیں۔ انہوں نے کہاکہ حکومت کی جانب سے اسپتالوں کو مشورہ دیا گیا ہے کہ وہ سوائن فلو کے مشتبہ مریضوں کو علحدہ رکھنے کے اقدامات کریں۔
