اقوام متحدہ، 27اپریل (سیاست ڈاٹ کام) اقوام متحدہ میں اسرائیلی سفیر ڈینی ڈینن نے آج کہا کہ ایران نے کم از کم 80 ہزار شیعہ جنگجوؤں کو بھرتی کیا ہے جنہیں دمشق سے پانچ میل دور واقع ایک تربیتی مرکز میں تربیت دی جارہی ہے ۔اسرائیلی سفیر نے ایک نقشہ کی مدد سے سلامتی کونسل کو بتایا کہ ایران نے شام کے دارالحکومت دمشق سے پانچ میل کی دوری پر ایک ٹریننگ سینٹر قائم کیا ہے جہاں شیعہ جنگجوؤں کو تربیت دی جاتی ہے ۔مسٹر ڈینی نے کہا کہ شام میں 80 ہزار سے زائد شیعہ جنگجوؤں ایران کے کنٹرول میں ہیں اور ان کے اشارے پر کام کر رہے ہیں۔ انہوں نے کہا کہ تربیتی مرکز میں شیعہ جنگجوؤں کو شام اور اس کے ملحقہ علاقوں میں پرتشدد سرگرمیاں انجام دینے کے لئے تربیت دی جاتی ہے ۔
