پاسداران انقلاب کے ایرو اسپیس شعبہ کے سربراہ امیر علی حجازی کا بیان
دہران /3 فروری ( سیاست ڈاٹ کام) خبر رساں ادارے نے ایران کے پاسداران انقلاب کے ‘ائیرو اسپیسشعبہ ‘ کے سربراہ، امیر علی حجازی کے حوالے سے خبر دی ہے کہ ایرانی انجنیئروں نے کروز میزائل کے انجن تیار کرنے میں حائل ابتدائی مشکلات عبور کر لی ہیںایران نے ایک نئے طویل فاصلے تک مار کرنے والے بیلسٹک میزائل کا تجربہ کرنے کا دعویٰ کیا، جس کا نام ‘ہویزہ’ بتایا گیا ہے، اور جو 1300 کلومیٹر دور ہدف کو نشانہ بنا سکتا ہے۔ایران نے دعویٰ کیا ہے کہ اْس کا بیلسٹک میزائل پروگرام دفاعی مقاصد کے لیے ہے۔اقوام متحدہ کی سلامتی کونسل نے ایک قرارداد کے ذریعے ایران سے کہا تھا کہ وہ آئندہ آٹھ برس کے لیے جوہری ہتھیار لے جانے کی صلاحیت رکھنے والے بیلسٹک میزائل کا پروگرام بند کردے۔ایرانی ٹیلی ویڑن نے ایک تقریب میں وزیر دفاع امیر حاتمی کو ‘ہویزہ’ کی رونمائی کرتے ہوئے دکھایا, جس کے لیے اْن کا کہنا تھا کہ یہ نیا بیلسٹک میزائل ہے جو 1300 کلومیٹر تک ہدف کو نشانہ بنانے کی صلاحیت رکھتا ہے۔ یہ تقریب 1979ء کے ایرانی اسلامی انقلاب کی 40 ویں سالگرہ کی مناسبت سے منعقد کی گئی تھی۔وزیر دفاع کے دعوے کو ثابت کرنے کے لیے ٹیلی ویڑن چینل نے ایک وڈیو دکھائی جس میں میزائلوں کو داغا جا رہا ہے، اور کہا کہ نیا طویل فاصلے تک مار کرنے والا میزائل، ‘ہویزہ’ کا تجربہ ”کامیاب رہا”۔