بیروت ،21 جون (سیاست ڈاٹ کام) ایران کے صدر حسن روحانی نے کہا ہے کہ ایران کے لوگ امریکی دباؤ کے سامنے نہیں جھکیں گے ۔ نیوکلیئر معاہدے سے امریکہ کے الگ ہونے کے بعد ایران کو دوبارہ امریکی پابندیوں کا سامنا ہے۔ ایران کے سرکاری میڈیا کے مطابق مسٹر روحانی نے بدھ کو کہا”ایران کے عوام کبھی بھی امریکی حکومت کی سازش اور دباؤ کے سامنے خود سپردگی نہیں کریں گے ”۔مسٹر روحانی گزشتہ سال اسی وعدے پر صدر منتخب ہوئے تھے کہ دنیا کے اہم ممالک کے ساتھ ہوئے ایران جوہری معاہدے کے دم پر ملک کی معیشت بہتر ہوگی۔ایران جوہری معاہدے کے بعد امریکہ نے ایران پر لگائی گئی کچھ پابندیوں کو ہٹا دیا تھا۔امریکہ کے صدر ڈونلڈ ٹرمپ کے ا یران جوہری معاہدے سے الگ ہونے کے فیصلے کے بعد معاہدے کی اہمیت میں کم ہوئی ہے ۔ معاہدے کے دیگر دستخط کنندہ ممالک – روس، چین، برطانیہ، فرانس اور جرمنی اس معاہدے کو بچانے کے لئے سخت جدوجہد کر رہے ہیں۔
