اسلام آباد۔ 29 جولائی (سیاست ڈاٹ کام) پاکستان کے صوبہ پنجاب میں پولیس نے ایک انکاؤنٹر میں ممنوعہ مسلکی تنظیم لشکر جھانگوی (LeJ) ے سربراہ ملک اسحق ، اس کے دو بیٹوں اور القاعدہ سے مربوط اس تنظیم کے دیگر 11 ارکان کو ہلاک کردیا۔ ملک اسحق پر یہ الزام عائد ہیہ کہ اس نے شیعہ فرقہ کے خلاف متعدد حملوں کی سازش رچی جس میں اس کے ساتھ اس کے دونوں بیٹے عثمان اور حق نواز بھی شامل رہے۔ پنجاب پولیس کے ساتھ مظفرگڑھ ڈسٹرکٹ میں ہوئے۔ انکاؤنٹر میں ان سب کے علاوہ 11 دیگر ارکان بھی مارے گئے جبکہ کارروائی کے دوران 6 پولیس اہلکار بھی زخمی ہوئے۔ انکاؤنٹر کے دوران دونوں جانب سے تقریباً 2 گھنٹوں تک فائرنگ کا تبادلہ ہوتا رہا۔ اسحق اور اس کے دو بیٹوں کو انسداد دہشت گردی محکمہ نے ایک ہفتہ قبل گرفتار کیا تھا۔ اس دوران ایک اعلیٰ سطحی پولیس آفیسر نے بتایا کہ اسحق، اس کے بیٹوں اور دیگر تین شورش پسندوں انسداد دہشت گردی محکمہ کی جانب سے مظفر گڑھ لے جایا گیا تھا تاکہ ہتھیاروں کی ضبطی عمل میں لائی جاسکے۔ وہ کام انجام دینے کے بعد واپسی میں شورش پسندوں نے ان پر حملہ کردیا اور اسحق، اس کے بیٹوں اور دیگر کو ان کے چنگل سے آزاد کروالیا جو وہاں سے ایک موٹر سائیکل کے ذریعہ بھاگ نکلے لیکن ایک جرأت مند آفیسر نے ان کو چیلنج کیا اور فائرنگ کا تبادلہ شروع ہوگیا۔
