حیدرآباد۔17اپریل(سیاست نیوز)تلنگانہ انٹرمیڈیٹ تعلیم بورڈ کے سکریٹری اے اشوک نے ان اطلاعات کی سختی سے تردید کی ہے کہ انٹرمیڈیٹ طلبہ کے آنسر پیپرس لاپتہ ہوگئے ہیں ۔ انہوں نے کہا کہ جو آنسر پیپرس دیکھنا چاہتے ہوں وہ انٹر نتائج کے اعلان کے بعد اپنے آنسر پیپرس دیکھ سکتے ہیں ۔ اس کیلئے مقررہ فیس ادا کرنا ہوگا ۔ سکریٹری انٹرمیڈیٹ بورڈ نے طلبہ کے والدین اور سرپرستوں سے اپیل کی کہ وہ افواہوں پر یقین نہ کریں جو سوشل میڈیا اور دوسرے پلیٹ فارمس پر پھیلائی جارہی ہیں ۔
