نیویارک۔ 10 مئی ۔ ( سیاست ڈاٹ کام) امریکہ کے 111 سالہ شہری الیگزینڈر امچ کو دنیا کا معمر ترین شخص قرار دیا گیا ہے۔ کیلیفورنیا کے گیرونٹولوجی ریسرچ گروپ کے مطابق امریکی شہر نیویارک سٹی کے رہائشی رالیگزینڈر امچ 1903 میں پولینڈ میں پیدا ہوئے اور پھر 1950 میں امریکہ آگئے۔ الیگزینڈر نے رواں برس فروری میں اپنی 111 ویں سالگرہ منائی تھی اور گذشتہ ماہ اپریل میں انھیں دنیا کا سب سے معمر ترین شخص قرار دیا گیا۔ دنیا کے معمر ترین شخص کا کہنا ہے کہ ان کی لمبی زندگی کا راز والد کی جانب سے ملنے والی بہترین موروثی خصوصیات ہیں جن کی عمر بھی تقریبا 90 سال تھی لیکن آپ کی اپنی زندگی لمبی عمر تک زندہ رہنے کیلئے بہت اہم ہوتی ہے۔
