لاس اینجلس۔ 21 اپریل ۔(سیاست ڈاٹ کام) مشہور امریکی اداکارہ ایلسن میک کو جنسی اسمگلنگ میں مدد فراہم کرنے کے الزام میں گرفتار کر لیا گیاہے ۔ایلسن میک پر خواتین کو ’سیلف ہیلپ گروپ‘کو لڑکیاں اسمگل کرنے کا الزام ہے ،جہاں اسمگل ہونے والی خواتین کو جنسی تسکین اور مزدوری کیلئے استعمال کیا جاتا رہا ہے ۔سیلف ہیلپ گروپ کے لیڈر’کیتھ رینائر‘کو ایف بی آئی کی جانب سے مارچ میں میکسیکو سے گرفتار کیا گیا تھا۔مشرقی نیویارک کے اٹارنی کے بیان کے مطابق اداکارہ عورتوں کو سیلف ہیلپ گروپ میں بھرتی کرکے کیتھ رینائر کے حوالہ کردیتی تھی جہاں وہ خواتین کو جنسی تسکین کے لیے استعمال کرتا تھا۔دونو ں کے خلاف مقدمہ درج کرلیا گیا ہے ، اگر دونوں قصور وار ٹھہرتے ہیں تو انہیں کم از کم 15 سال قید ہوسکتی ہے ۔
