واشنگٹن،17ستمبر(سیاست ڈاٹ کام) امریکہ نے فلسطینیوں کی امداد میں مزید کمی کردی ہے ، یہ رقم یہودیوں اور عرب اسرائیلیوں کے درمیان مفاہمتی عمل کے پروگراموں پر خرچ کی جائے گی۔امریکہ فلسطینیوں، یہودیوں اور عرب اسرائیلیوں کے درمیان مفاہمتی عمل کے پروگراموں کے لیے ایک کروڑ ڈالر کی امداد فراہم کرتا ہے ، تاہم اب اس رقم میں فلسطینیوں کا حصہ کم کردیا گیا ہے ۔مقبوضہ بیت المقدس میں امریکی سفارت خانے کے ترجمان کا کہنا ہے کہ فلسطینیوں کی وضع کی گئی رقم یہودیوں اور عرب اسرائیل کے درمیان مفاہمت کے پروگراموں پر خرچ کی جائے گی۔امریکہ اب تک الگ الگ ہیڈز میں فلسطینیوں کی امداد میں مجموعی طور پر 50 کروڑ ڈالر کی کٹوتی کرچکا ہے ۔ اس کے علاوہ واشنگٹن میں فلسطینی حکمراں جماعت پی ایل او کا دفتر بھی بند کیا جاچکا ہے ۔
