سڈنی۔28 جولائی ۔(سیاست ڈاٹ کام) آسٹریلوی نشریاتی ادارے نے اپنی ایک رپورٹ میں دعویٰ کیا ہے کہ امریکہ اگلے ماہ ایران کی ایٹمی تنصیبات پر حملے کی تیاری کر رہا ہے۔رپورٹ کے مطابق آسٹریلیا بین الاقوامی انٹیلی جنس اتحاد فائیو آئیز کا رکن ہے اس لئے وہ حملے سے متعلق امریکہ سے انٹیلی جنس معلومات کا تبادلہ بھی کر رہا ہے۔ دوسری جانب آسٹریلیائی وزیراعظم میلکم ٹرن بل نے رپورٹ کو مسترد کرتے ہوئے اسے افواہ قرار دیا اور کہا کہ پوری دنیا ایران سے متعلق امریکی صدر کے رویے سے آگاہ ہے۔رپورٹ سے متعلق ایران کی القدس فورس نے صدر ٹرمپ کو خبردار کیا ہیکہ امریکہ کو ایسی کسی بھی کارروائی سے گریز کرنا چاہئے۔
