واشنگٹن، 3 مئی (سیاست ڈاٹ کام) امریکہ شمالی کوریا میں انسانی حقوق کی خلاف ورزی کے حوالہ سے فکر مند ہے اور وہ اس کے لئے ذمہ دار افراد کی جوابدہی طے کرنے کیلئے دباؤ بنا نے کا فیصلہ کیا ہے ۔امریکہ کی وزارت خارجہ نے امریکی صدر ڈونالڈ ٹرمپ اور شمالی کوریا کے رہنما کم جونگ ان کے درمیان ہونے والی آئندہ ممکنہ ملاقات سے پہلے کل یہ بیان جاری کیا۔وزارت خارجہ نے اپنے بیان میں کہاکہ ہم انسانی حقوق کی ان خلاف ورزیوں کے حوالہ سے فکر مند ہیں۔ سب سے زیادہ دباؤ برقرار رکھنے کی مہم میں ہم انسانی حقوق کی خلاف ورزی کیلئے ذمہ دار افراد کی جوابدہی طے کرنے کیلئے دباؤ بنائیں گے ۔
