کئی ریاستوں کے شہریوں کو حقوق یرغمال بنا لئے جانے کی شکایت
نیو یارک، 19 مئی (سیاست ڈاٹ کام) امریکہ میں علیحدگی پسند تحریکوں کا زور ہورہا ہے جس کی وجہ سے سوپر پاور کیلئے 2020ء تک وجود برقرار رکھنا مشکل ہوجائے گا۔ مغربی اسکالر جان گالٹنگ نے اپنی کتاب میں انکشاف کیا کہ امریکہ کا اپنے مفادات کے حصول کیلئے توسیع پسندانہ اور جنگجویانہ پالیسیاں لے کر دوسروں پر حملہ کرنا امریکہ ٹوٹنے کا سبب بنا۔ امریکی ریاست ورمانٹ جو کہ شمال مشرق کے نیو انگلینڈ ریجن میں واقع ہے، یہاں کے عوام نے (دی سکنڈ ورمانٹ ریپبلک) کے نام سے امریکہ میں آزادی کا پرچم بلند کر رکھا ہے۔ کاسکاڈین کے عوام بھی امریکہ سے علیحدگی کیلئے بے تاب ہیں۔ متعدد ریاستوں میں علیحدگی کی تحریکیں چل رہی ہیں۔ ایک رپورٹ کے مطابق ورمانٹ، کاسکاڈیا، ہوائی، الاسکا، ٹیکساس، اوریگان اور جمہوریہ لکوتا میں علیحدگی پسند تحریکیں چل رہی ہیں۔ ان ریاستوں کے شہریوں کو شکایت ہے کہ عالمی سوپر پاور نے ان کے حقوق یرغمال بنا رکھے ہیں۔