واشنگٹن ، 24 مارچ (سیاست ڈاٹ کام) امریکہ کی شمال مغربی ریاست واشنگٹن میں حکام نے بتایا ہے کہ مٹی کا تودہ گرنے سے ہلاکتوں کی تعداد آٹھ ہو گئی ہے جبکہ اب بھی 18 افراد لاپتہ ہیں۔ امدادی کام میں مصروف ادارہ کے ترجمان نے اتوار کو رات دیر گئے بتایا کہ 2.6 مربع کلو میٹر مٹی کے اس بڑے تودے تلے دبے افراد میں سے کسی کے زندہ بچنے کے کوئی آثار نہیں ملے لیکن کارکن پیر کو دوبارہ امدادی کارروائیاں شروع کریں گے۔
