اکثر لوگ امریکہ میں رہنا چاہتے ہیں ، امریکیوں کو اپنی فوجی طاقت پر تشویش : گلیپ سروے
واشنگٹن ۔ 4 ۔ جنوری : ( سیاست ڈاٹ کام ) : سال 2013 کے مکمل ہونے پر ون / گیلپ انٹرنیشنل کی جانب سے کئے گئے سروے میں امریکہ کو عالمی سلامتی کے لیے بڑا خطرہ قرار دیا گیا ہے ۔ اس کے باوجود لوگوں کی بڑی تعداد آج بھی امریکہ کو رہائش کے لیے پسند کرتی ہے ۔ سروے کے مطابق امریکہ کو اس حوالے سے 24 فیصد ووٹ ملے اور عالمی سلامتی کے لیے اولین خطرہ ظاہر کیا گیا ، امریکہ کے جس ملک سے زیادہ خطرہ محسوس کیا جاتا ہے وہ اس تازہ سروے کے مطابق پاکستان ہے جسے آٹھ فیصد ووٹ ملے ہیں ۔ چین کو اس حوالے سے عالمی سطح پر تیسرا بڑا خطرہ بتایا گیا ہے اس سلسلے میں چین کے حق میں 6 فیصد لوگوں کی رائے سامنے آئی ہے ۔ اس کے مقابلے افغانستان کو طالبان کا ملک ہونے کے باوجود کم خطرناک بتایا گیا ہے ۔ سروے میں افغانستان کے حق میں 5 فیصد لوگوں کی رائے آئی ہے ۔ حیران کا امر یہ ہے کہ
امریکہ اس عالمی رائے عامہ کے باوجود خود کو دنیا کے لیے سب سے بڑا خطرہ نہیں سمجھتا ہے جب کہ امریکی شہری ایران کو دنیا کے لیے بڑا خطرہ مانتے ہیں اور اس حوالے سے افغانستان کو دوسرا بڑا خطرہ قرار دیتے ہیں ۔ تاہم 14 فیصد امریکی عوام اپنے ملک کی فوجی بالادستی کے باعث مستقبل میں تباہی کے حوالے سے ایک اہم عامل سمجھتے ہیں ۔ اس ناطے امریکی عوام اپنے ملک کو بھی خطرہ گردانتے ہیں ۔ ایران پر کسی ممکنہ اسرائیلی حملے کی صورت میں بہت سے ملکوں میں بہت سے ملکوں کا ووٹ اسرائیل کو سب سے بڑا خطرہ ظاہر کرنے کے حق میں ہے ۔ عراق ، مراکش اور لبنان ایسے ممالک اسرائیل کو عالمی امن کے لیے سب سے بڑا خطرہ سمجھتے ہیں ۔ اس سروے میں رائے دینے والوں سے یہ بھی پوچھا گیا کہ اگر کسی ملک میں رہائش کرنے میں کوئی رکاوٹ نہ ہو تو کس ملک رہنا چاہیں گے ؟ اس کے جواب اکثریت نے تمام تر خطرات کے باوجود امریکہ کے حق میں ووٹ دیا ہے ۔ سروے میں لوگوں کی اکثریت نے 2013 کے مقابلے میں 2014 کے زیادہ بہتر سال ثابت ہونے کی امید ظاہر کی ہے ۔
واضح رہے اس سے پہلے اسی نوعیت کا ایک سروے 1977 میں کیا گیا تھا جس میں 68 ممالک چھیاسٹہ ہزار لوگوں سے پوچھا گیا تھا ۔۔