بلغراد ، 11 نومبر (سیاست ڈاٹ کام) البانیہ کے وزیر اعظم گزشتہ روز تاریخی دورے پر سربیا کے دارالحکومت بلغراد پہنچ گئے ہیں۔ ایڈی راما گزشتہ 68 برسوں میں سرکاری دورے پر سربیا جانے والے البانیہ کے پہلے سربراہ حکومت ہیں۔یہ دورہ بلقان کی ان دو مملکتوں کے درمیان ایک فٹ بال میچ کے دوران بدامنی کے حالیہ و اقعے کے بعد کشیدگی کے بعد ہورہا ہے۔بلغراد پہنچنے پر سرب وزیراعظم الیکسانڈر وْوچِچ نے پیالس ایف سربیا کے سامنے اپنے البانوی ہم منصب کا پورے فوجی اعزاز کے ساتھ خیر مقدم کیا۔ البانیہ اور سربیا کے مابین حالیہ اختلاف رائے کا تعلق کوسوو سے بھی ہے جو اَب ایک آزاد ریاست ہے، لیکن البانوی نسل کی آبادی کی اکثریت والا یہ ملک چند سال پہلے تک سربیا کا ایک صوبہ تھا۔
