نئی دہلی 24 جولائی (سیاست ڈاٹ کام) قانون داں اور سیاسی کارکن شہزاد پوناوالا نے قومی اقلیتی کمیشن پر ایک درخواست پیش کرتے ہوئے مطالبہ کیاکہ شیوسینا ارکان پارلیمنٹ کے خلاف جنھوں نے مہاراشٹرا سدن نئی دہلی میں ایک روزہ دار مسلم ملازم کو زبردستی روزہ توڑنے پر مجبور کردیا تھا، سخت کارروائی کی جائے۔ اُنھوں نے کہاکہ دہلی پولیس کو بھی ایک مقدمہ درج کرکے واقع کی تحقیقات کرنی چاہئیں۔ مبینہ طور پر ناقص غذا کی سربراہ پر برہم شیوسینا ارکان پارلیمنٹ نے روزہ دار مسلم ملازم کو چپاتی کھانے پر مجبور کیا تھا۔
کیا AFSPA کی برخواستگی کا مناسب وقت نہیں آیا ؟:عمر عبداللہ
سرینگر 24 جولائی (سیاست ڈاٹ کام) وزیر اعلی جموں و کشمیر عمر عبداللہ نے آج طنزیہ انداز میں ایک بیان دیتے ہوئے کہا کہ کچھ لوگ ایسے ہیں جنہیں ریاست سے مسلح افواج کے خصوصی اختیارات (AFSPA) سے دستبرداری کیلئے کوئی بھی وقت مناسب نظر نہیں آیا کیونکہ انہیں ایسے قانون پسند ہیں۔ اخباری نمائندوں سے بات کرتے ہوئے انہوں نے کہا کہ مرکز کے ساتھ یہ ایک کبھی نہ ختم ہونے والا مباحثہ ہے ۔ پہلے یو پی اے حکومت کے ساتھ تھا اور اب این ڈی اے حکومت کے ساتھ ہے۔