واشنگٹن،17ستمبر (سیاست ڈاٹ کام) افغان طالبان رہنماؤں نے افغانستان میں قیام امن کے لیے امریکہ کے ساتھ مذاکرات جاری رکھنے کے لیے امریکی فوجی اڈے بند کرنے اور سینکڑوں قیدیوں کی رہائی کا مطالبہ کیاہے ۔امریکی ٹی وی ‘این بی سی نیوز’ کے مطابق امریکہ کی جانب سے سابق سفیر زلمے خلیل زاد کو افغانستان میں امن مذاکرات کے لیے خصوصی مشیر تعینات کیا گیا ہے ، جو رواں ہفتہ امریکہ طالبان مذاکرات کے دوسرے دور کے لیے متحدہ عرب امارات پہنچے تھے ۔خیال رہے کہ سینکڑوں طالبان قیدیوں کی رہائی اور افغانستان میں قائم امریکی فوجی اڈوں کا مستقبل، 2 ایسے اہم ترین معاملات ہیں جنہیں طالبان رہنما افغانستان میں جنگ کے خاتمہ کے پیش نظر ہونے والے مذاکرات میں امریکہ کے ساتھ طے کرنے کے خواہاں ہیں۔اس حوالے سے گفتگو کرتے ہوئے ایک سینئر طالبان رہنما نے این بی سی نیوز سے گفتگو کرتے ہوئے بتایا کہ’ ‘امریکی حکام کے ساتھ ہونے والی اس ملاقات میں یا تو مزید نتیجہ خیز گفتگو کی راہیں ہموار ہوں گی یا یہ سلسلہ ہمیشہ کے لیے رک جائے گا”۔دیگر امریکی میڈیا کے مطابق افغان حکومت، طالبان کی جانب سے جوابی طور پر اسی قسم کی رعایت کا کوئی اعلان نہ کرنے کے باوجود ان کی درخواست پر عمل کرنے خواہشمند تھی۔
