الخلیل ۔ 17 اپریل (سیاست ڈاٹ کام) اسکول کے ملبے پر دھرنا دینے والے طلباء پر اسرائیلی فوج کی چڑھائی، نام نہاد جمہوریت کی علم بردار صیہونی ریاست فلسطینی قوم کے بچوں سے تعلیم کا حق بھی سلب کرنے کے ساتھ ساتھ ان سے احتجاج کا حق بھی سلب کررہی ہے۔ اس کی تازہ مثال گذشتہ روز غرب اردن کے شہر الخلیل میں الظاہریہ کے مقام پر دیکھی گئی۔ تفصیلات کے مطابق فلسطینی طلباء نے الظاہریہ میں اسرائیلی فوج کے ہاتھوں مسمار کئے گئے اسکول کے ملبے پر احتجاجی کیمپ لگایا گیا تھا۔ گذشتہ روز اسرائیلی فوج کی بھاری نفری نے نہتے طلباء پر چرھائی کی گئی اور وہاں پر احتجاجی کیمپ لگانے والے طلباء پر تشدد کیا گیا اور کیمپ اکھاڑ پھینکا۔ مقامی ذرائع نے بتایا کہ زنوتا کے مقام پر فلسطینی طلباء نے مسمار کئے گئے اسکول کے مقام پر ایک خیمہ لگایا گیا تھا ۔
