واشنگٹن۔30اکٹوبر ۔ ( سیاست ڈاٹ کام ) اوباماانتظامیہ کے ایک اعلیٰ عہدیدار کا کہنا ہے کہ اسرائیل کے وزیر اعظم بینجمن نیتن یاہو وہائٹ ہاؤس اور محکمہ خارجہ کو سب سے زیادہ پریشان کرنے والے غیرملکی رہنما ہیں۔ یہ تبصرہ اس بات کا اظہار ہے کہ امریکہ اور اسرائیل کے تعلقات میں تناؤ ہے اوریہ اس بات کی علامت ہے کہ نیتن یاہو اور اوباما حکومتوں کے تعلقات بحران کی طرف بڑھ گئے ہیں۔تجزیہ کار کہتے ہیں کہ اسی صورتحال کی بنا پر آئندہ برس تک اوباما انتظامیہ اقوام متحدہ میں اسرائیل کی سفارتی حمایت واپس لے سکتی ہے،جہاں توقع ہے کہ ایران کے جوہری پروگرام کے مستقبل کے بارے میں ہونے والے معاہدے کے سلسلے میں دونوں اپنی قوت کا اظہار کریں گے۔
