تل ابیب۔ 18جولائی (سیاست ڈاٹ کام) پارلیمنٹ کی جانب سے اسرائیلی وزیراعظم کو دیئے گئے جنگی اختیارات واپس لے لیے گئے جس کے بعد اب پوری سیکورٹی کونسل جنگ کا فیصلہ کرے گی۔یہ فیصلہ دوسری بار ہوا ہے کہ اسرائیلی وزیر اعظم سے جنگی اختیارات واپس لے لئے گئے ہیں ۔ پارلیمنٹ میں اختیار پر نظر ثانی اور ترامیم بھی کی گئیں ۔اس حوالے سے پارلیمنٹ میں نئے قانون منظور کئے گئے جس کے تحت اب پوری سیکورٹی کونسل جنگ کا فیصلہ کرے گی۔اسرائیل کے اخبار کے مطابق اکثریتی ارکان نے نئے وضع کردہ قانون کی حمایت میں ووٹ ڈالے ۔واضح رہے اپریل میں پارلیمنٹ نے وزیر اعظم اور وزیر دفاع کو اعلان جنگ کا اختیار دیا تھا۔یاد رہے کہ اسرائیلی پارلیمنٹ کے متعدد سیشنس منعقد کئے جاتے ہیں جہاں ہمیشہ کوئی نہ کوئی متنازعہ فیصلہ کیا جاتا ہے۔
