اردو ماہر ، اردو عالم اور اردو فاضل امتحانی تاریخ کا اعلان

معتمد عمومی ادارہ ادبیات اردو پروفیسر ایس اے شکور کا بیان

حیدرآباد ۔ 10 ۔ مارچ : ( پریس نوٹ ) : پروفیسر ایس اے شکور معتمد عمومی کے بموجب ادارہ ادبیات اردو کے امتحانات اردو ماہر ، اردو عالم ، اردو فاضل ، حیدرآباد و سکندرآباد ، اضلاع و بیرون راست آندھرا پردیش کے تمام مراکز پر ایک ساتھ مئی 2014 میں منعقد ہوں گے ۔ ادخال فیس کی آخری تاریخ بغیر دیرینہ کے 11 مارچ تا 10 اپریل مقرر کی گئی ہے ۔ 100 روپئے دیرینہ کے ساتھ 11 اپریل تا 20 اپریل اور 500 روپئے دیرینہ تتکال اسکیم کے تحت 21 تا 26 اپریل راست ادارہ ادبیات اردو پنجہ گٹہ حیدرآباد میں داخل کی جاسکتی ہے ۔ نا مکمل درخواست فارمس مسترد کردئیے جائیں گے اور اس سلسلے میں کسی قسم کی کوئی مراسلت نہیں کی جائے گی ۔ امتحانات کی فیس کی تفصیل اس طرح ہے ۔ اردو ماہر کی فیس 250 روپئے ، اردو عالم 300 روپئے ، اردو فاضل حصہ اول 250 روپئے اردو فاضل حصہ دوم 300 روپئے اردو فاضل مکمل 500 روپئے اور جزوی امتحانات اردو ماہر ، اردو عالم اور اردو فاضل ایک تا دو پرچوں کے لیے 150 روپئے تین تا پانچ پرچوں کے لیے 250 روپئے ( اردو عالم کے تین تا چھ پرچوں کے لیے 300 روپئے ) مقرر کی گئی ہے ۔ پروفیسر ایس اے شکور نے تمام تعلیمی مراکز کے ذمہ داروں اور خواہش مند امیدواروں کو اطلاع دی کہ اپنے فارمس کی مکمل خانہ پری درخواست گزار سے کرائیں اور مع فیس بذریعہ ڈیمانڈ ڈرافٹ بحق ادارہ ادبیات اردو پنجہ گٹہ حیدرآباد پر داخل کریں ۔ درخواست فارم کے ساتھ مع دو عدد فوٹوز اور خود کا پتہ لکھا ہوا لفافہ جس پر پانچ روپئے کا ٹکٹ چسپاں کیا ہو ۔ داخلہ کے خواہش مند تمام کوچنگ سنٹرس کے ذمہ داروں کو مطلع کیا جاتا ہے کہ مقرر کردہ تاریخوں میں جلد از جلد درخوات فارمس وقت پر داخل کریں ۔ مزید تفصیلات کیلئے راست فون نمبر 040-23310469 پر ربط کریں ۔۔