اداکار پرکاش راج کا سیاست میں داخلہ ، آزاد امیدوارکی حیثیت سے لوک سبھا انتخابات میں حصہ لینے کا اعلان

حیدرآباد : ان دنوں سیاست میں فلم اداکار بھی دلچسپی دکھارہے ہیں۔ فلم اسٹار چرنجیوی ، ٹالی ووڈ میگااسٹار رجنی کانت اور کمل ہاسن نے بھی فلموں کی دنیا سے ہٹ کر سیاست کی دنیا میں قدم رکھا ہے۔ اور ا ب ہندی او رتلگو فلموں میں اپنی زبردست اداکاری کے باعث شہرت کی بلندیوں پر پہنچنے والے اداکار پرکاش راج اب سیاست میں قسمت آزمانے جارہے ہیں ۔

انہوں نے اپنے ٹوئیٹر بلاگ پر اعلان کیا کہ وہ لوک سبھا انتخابات میں حصہ لینے والے ہیں۔ انہوں نے اپنے ٹوئیٹر بلاگ پر لکھا کہ ’’ سب کو نیا سال مبارک ، ایک نئی شروعات کے ساتھ ایک نئی ذمہ داری ، میں آپ کے تائید اور حمایت سے آنے والے لوک سبھا انتخابات میں آزاد امید وار کی حیثیت سے حصہ لینے والا ہوں ۔ اب کی بار جنتا کی سرکار ۔‘‘ تاہم انہوں نے یہ اعلان نہیں کیا کہ وہ کس مقام سے انتخابات لڑنے والے ہیں ۔ پرکاش راج اپنی بیباک بیانی سے جانے جاتے ہیں ۔

انہوں نے کھلے عام بی جے پی سرکار اور نریندر مودی پر تنقیدیں کی ہیں ۔