حیدرآباد۔ 5 جون (سیاست ڈسٹرکٹ نیوز) جناب عامر علی خاں نیوز ایڈیٹر روزنامہ سیاست کو ریلوے پولیس اسٹیشن کاچی گوڑہ سے جناب محمد جمیل سب انسپکٹر پولیس کا مراسلہ موصول ہوا جس میں دو مسلم نعشوں کی تدفین کی درخواست کی گئی۔ شاہ عنایت گنج پولیس اسٹیشن سے جناب محمد شریف الامین کے مراسلے میں دو مسلم نعشوں کی تدفین کی درخواست کے علاوہ حبیب نگر پولیس اسٹیشن، حسینی علم پولیس اسٹیشن، ریلوے پولیس نامپلی، نارائن گوڑہ پولیس اسٹیشن، مشیرآباد پولیس اسٹیشن، اس طرح جملہ 13 مسلم نعشوں کو دواخانہ عثمانیہ اور گاندھی ہاسپٹل سے حاصل کرکے قبرستان کوکٹ پلی میں تدفین عمل میں لائی گئی۔ نمازِ جنازہ مولانا محمد زبیر نے قبرستان ہی میں پڑھائی۔ کارِ خیر میں حصہ لینے پر ایڈیٹر روزنامہ سیاست جناب زاہد علی خاں نے قبرستان کوکٹ پلی کے صدر جناب شیخ عبدالعزیز اور اُن کے رفقاء کا شکریہ ادا کیا۔
