معتمد عمومی ایوان اُردو پروفیسر ایس اے شکور کا بیان
حیدرآباد۔ 17 مئی (پریس نوٹ) پروفیسر ایس اے شکور معتمد عمومی کی اطلاع کے بموجب ادارۂ ادبیات اُردو کے زیراہتمام اُردو ماہر، اُردو عالم، اُردو فاضل کے امتحانات 13 تا 17 مئی 2015ء کا اختتام عمل میں آیا۔ ان امتحانات میں دونوں شہروں حیدرآباد و سکندرآباد میں 9 مراکز اور اضلاع میں 11 امتحانی مراکز پر طلباء و طالبات نے شرکت کی۔ شہر حیدرآباد میں مارٹینیٹ ہائی اسکول (مشیرآباد)، گلبرٹ مشن اسکول (تالاب کٹہ) سینٹ سنین ہائی اسکول (چنچل گوڑہ)، محمدیہ ہائی اسکول (بارکس)، مدرسہ تعلیم الاسلام (بنڈلا گوڑہ)، مدینہ اسلامک مشن اسکول (مغل پورہ)، دارالعلوم صدیقیہ (مصطفیٰ نگر)، مدرسہ اسلامیہ دارالعلوم (گولکنڈہ) اور وہاب پرائمری اسکول (عنبرپیٹ) اضلاع میں ٹیکمال، سداسیوپیٹ، مریال گوڑہ، نلگنڈہ، ورنگل، کریم نگر، جگتیال، کورٹلہ، بیدر، بسواکلیان اور آرمور بھی شامل ہیں۔ پروفیسر ایس اے شکور معتمد عمومی نے کہا کہ ان امتحانات کے نتائج کا متعاقب اعلان کیا جائے گا۔ کوچنگ سنٹرس کے معتمدین و امتحانی مراکز کے ذمہ داروں کے علاوہ اخبارات اور پولیس کا شکریہ ادا کیا۔ فلائنگ اسکواڈ میں پروفیسر ایس اے شکور معتمد عمومی ادارہ، جناب اے اے فاروقی، رکن شعبہ امتحانات، جناب محمد احمد سینئر کلرک موجود تھے۔ جناب محمد عبدالغنی منتظم ادارہ استفسار پر موجود تھے۔
