ماسکو۔10 ڈسمبر (سیاست ڈاٹ کام) روس کے صدر ولادیمیر پوٹن نے کہا ہے کہ پاکستان اور روس کے درمیان تعاون بھارت سمیت پورے خطے کے مفاد میں ہے۔ روسی صدر نے یہ بات ہندوستان کے دورے پر روانگی سے قبل ہندوستانی سرکاری نیوز ایجنسی کو انٹرویو میں کہی۔ ایک سوال پر صدر پوٹن کاکہناتھا کہ روس اور بھارت قابل اعتماد دوست ہیں اور کئی دہائیوں سے فوجی و فنی تعاون جاری رکھے ہوئے ہیں تاہم جہاں تک پاکستان کا تعلق ہے تو انسداد دہشت گردی اور منشیات اسمگلنگ کے خلاف آپریشنز کو موثر بنانے کے لیے پاکستان کے ساتھ روس کے ممکنہ تعاون پر بات چیت ہوئی ہے۔ روسی صدر نے کہا کہ ان کے خیال میں پاک روس تعاون سے ہندوستان سمیت پورے خطے کو فائدہ ہوگا۔
