نئی دہلی 16جون(سیاست ڈاٹ کام) نائجیریا کی بحریہ کے سربراہ وائس ایڈمرل ایبوک ۔ ایٹے ایکوے ایباس نائجیریا کی بحریہ کے چار رکنی وفد کے ہمراہ 16 سے 19 جولائی ، 2018 تک ہندوستان کے دورے پر آ رہے ہیں ۔ اس دورے کا مقصد ہندوستان اور نائجیریا کے مابین بحری تعلقات کو مضبوط کرنا اور بحری تعاون کے نئے مواقع تلاش کرنا ہے ۔اس دورے کے دوران مہمان موصوف ہندوستانی بحریہ کے سربراہ ایڈمرل سنیل لانبہ اور دیگر سینئر اہلکاروں سے باہمی بات چیت کریں گے ۔نائجیریا کے بحریہ کے سربراہ فضائیہ کے سربراہ اور بری فوج کے سربراہ سے بھی ملاقات کریں گے ۔ہندوستان افریقہ میں نائجیریا کا سب سے بڑا تجارتی ساجھے دار ہے اور نائجیریا بھی ہندوستان کاسب سے بڑا تجارتی ساجھے دار ہے ۔ہندوستانی بحریہ مشترکہ دفاعی تعاون میٹنگوں کے ذریعہ نائجیریا کی بحریہ کے ساتھ تربیتی ، مختلف شعبوں میں ماہرین کے تبادلے اور ہائیڈروگرافک تعاون کرتی ہے ۔مزید برآں ، ہندوستانی بحری جہازوں کے ذریعہ پورٹ کالس ، جون ، 2017 میں جدید ترین آئی این ایس ترکش کے ذریعہ نائجیریا کے ساتھ دفاعی تعاون مضبوط ہوا ہے ۔نئی دہلی کے بعد ایڈمرل موصوف ممبئی ، کوچی اور گوا جائیں گے جہاں وہ ہندوستانی بحریہ کے مغربی اور جنوبی کمانڈر انچیف اورگوا ایریا کے فلیگ آفیسر صاحبان سے بالترتیب تبادلہ خیالات کریں گے ۔ اپنے دورے کے ددوران موصوف مختلف بحری یونٹوں سمیت بحری تربیتی اسکول جائیں گے ۔
