حیدرآباد ۔ یکم جون (سیاست نیوز) عابد علی خاں ایجوکیشنل ٹرسٹ کے زیراہتمام ادارہ ادبیات اُردو پنجہ گٹہ کے اشتراک سے تین درجات اُردو دانی، زبان دانی، انشاء کے امتحانات 29 جون کو شہر حیدرآباد و سکندرآباد کے علاوہ اضلاع و دیگر پڑوسی ریاستوں میں صبح 10 بجے ایک ساتھ شروع ہوں گے۔ تمام امتحانات تحریری ہوں گے۔ عابد علی خاں ایجوکیشنل ٹرسٹ کے دفتر سے سوالات و جوابی بیاض جاری ہوں گے۔ سنٹرس کے ذمہ دار اصحاب جو فارم امتحانات حاصل کرچکے ہیں وہ خانہ پُری کے بعد 15 جون 2014 ء تک داخل کردیں۔ جون 1994 ء سے قائم عابد علی خاں ایجوکیشنل ٹرسٹ سال میں دو مرتبہ امتحانات منعقد کررہا ہے۔ اُردو تعلیم کو عام کرنے اور
ابتدائی تعلیم سکھانے ایسی آسان کتاب مرتب کی گئی ہے جس میں اُردو، انگلش، تلگو اور ہندی میں الفاظ ہیں۔ اس کے علاوہ تعلیم کو جاری رکھنے انشاء کامیاب ہونے کے بعد راست اُردو ماہر پھر اردو عالم اور اردو فاضل کرکے بی اے میں مولانا ابوالکلام آزاد یونیورسٹی ، امبیڈکر یونیورسٹی، کاکتیہ یونیورسٹی میں داخلہ لیا جاسکتا ہے۔ عابد علی خاں ایجوکیشنل ٹرسٹ کے امتحانات میں ایسے طلباء و طالبات شریک امتحان ہوسکتے ہیں جنھوں نے سنٹرس کے ذریعہ تعلیم حاصل کی اور کسی وجہ سے فارم داخل نہ کرسکے ہوں تو اپنے سنٹر پر درخواست دے کر شریک امتحان ہوسکتے ہیں۔ ٹرسٹ کی مساعی سے مستقبل میں بہترین نتائج برآمد ہونے کی توقع ہے۔ انچارج ٹرسٹ جناب محمد حبیب الرحمن سے تفصیلی معلومات کے لئے فون نمبر 9290680532 ، Ext.225 ، 24744180 ، 24744114 روزانہ دفتر سیاست پر 11 بجے دن تا 5 بجے شام ربط کریں۔
دفتر سیاست میں اُردو کلاس کا انعقاد
حیدرآباد ۔ یکم جون (راست) دفتر سیاست میں آج بروز اتوار یکم جون اُردو کلاس منعقد ہوئی۔ ’’روشن راہیں‘‘ سے ایک افسانہ ’’العظمت للہ‘‘ پڑھایا اور لکھایا گیا۔ آخر میں انگریزی عبارت کا اُردو ترجمہ کروایا گیا۔ ادارہ سیاست میں جاری اُردو کلاسیس میں طلباء و طالبات بالخصوص خواتین دلچسپی سے اُردو سیکھ رہے ہیں۔آئندہ کلاس 8 جون کو 5 بجے شام تا 8 بجے شام ہوگی۔ ڈاکٹر صبیحہ نسرین کلاس لیں گی۔ مزید تفصیلات کیلئے فون نمبر 9052193788 پر ایس ایم ایس کریں۔