ماسکو ، 8 اپریل (سیاست ڈاٹ کام) روسی میڈیا نے دعویٰ کیا ہے کہ امریکہ نے شام کے باغیوں کو اسلحے کی فراہمی شروع کر دی ہے۔ شامی صدر بشار الاسد کے خلاف لڑنے والے باغیوں کو انتہائی طاقتور توپ شکن ہتھیاروں سمیت دیگر اسلحہ فراہم کیا گیا ہے۔ ٹاؤ میزائلوں سمیت یہ اسلحہ دو باغی گروپوں میں تقسیم کیا گیا ہے۔ امریکی چیئرمین جوائنٹ چیفس جنرل مارٹن ڈیمسی نے اسرائیلی حکام سے کہا تھا کہ وہ اسلحہ پہنچانے کے دوران سعودی لڑاکا طیاروں کی مدد کریں۔ شامی باغیوں کو اسلحہ فراہم کرنے کا فیصلہ امریکی صدر کے حالیہ دورۂ سعودی عرب کے دوران کیا گیا تھا۔
