حیدرآباد۔ 22 فروری (سیاست نیوز) حکومت تلنگانہ کی جانب سے چلائی جانے والی اسکیم ’’شادی مبارک‘‘ پر موثر عمل آوری اور عوام میں اسکیم کے متعلق شعور بیداری کے سلسلے میں 24 فروری بروز منگل 2 بجے دن ایک اہم اجلاس محبوب حسین جگر ہال احاطہ روزنامہ سیاست، عابڈز میں منعقد ہوگا۔ جناب ظہیرالدین علی خاں مینیجنگ ایڈیٹر روزنامہ سیاست کی زیرنگرانی منعقد ہونے والے اس اجلاس میں محکمہ اقلیتی بہبود کے اعلیٰ عہدیدار شرکت کریں گے جوکہ اجلاس میں موجود تنظیموں کے نگران و ذمہ داران سے اسکیم پر موثر عمل آوری کیلئے تجاویز وصول کریں گے۔ اس اجلاس میں ایسے درخواست گزار بھی شرکت کرسکتے ہیں جنہوں نے حکومت تلنگانہ کی جانب سے چلائی جانے والی ’’شادی مبارک‘‘ اسکیم سے استفادہ کیلئے درخواست داخل کی ہے اور درخواست اب بھی زیرالتواء ہے۔ اجلاس کے متعلق مزید تفصیلات کیلئے انچارج سیاست ہیلپ لائن جناب سید خالد محی الدین اسد سے فون نمبر 9391160364 پر ربط قائم کیا جاسکتا ہے۔
