ایڈیٹر روزنامہ سیاست جناب زاہد علی خاں صدارت کریں گے
حیدرآباد ۔ 6 ۔ فروری : ( دکن نیوز ) : ادارہ سیاست و مینارٹیز ڈیولپمنٹ فورم کے زیر اہتمام 38 واں دوبدو ملاقات پروگرام برائے شیعہ برادری اتوار 8 فروری ، 2 بجے دن تا 5 بجے شام دیوڑھی حسینیہ نواب عنایت جنگ بہادر ، منڈی میر عالم مقرر ہے ۔ جس میں صرف شیعہ لڑکے و لڑکیوں کے لیے شادیوں کے رشتے طئے کرنے والدین و سرپرست شرکت کریں گے ۔ عابد صدیقی صدر مینارٹیز ڈیولپمنٹ فورم نے بتایا کہ پہلی مرتبہ شیعہ برادری کے لڑکوں و لڑکیوں کے پیامات کی نشاندہی اور رشتوں کے انتخاب کے لیے یہ خصوصی دوبدو ملاقات پروگرام رکھا جارہا ہے ۔ پروگرام کی صدارت جناب زاہد علی خاں ایڈیٹر سیاست کریں گے ۔ جب کہ ذاکر اہلبیت مولانا علی مرتضی اور نواب سید اصغر حسین مہمانان خصوصی کی حیثیت سے شرکت کریں گے ۔ علی رضا صدر مرکزی سیرت الزہرا کمیٹی کے تعاون و اشتراک سے یہ دوبدو پروگرام منعقد کیا جارہا ہے ۔ اس موقع پر والدین و سرپرست باہمی مشاورت سے رشتے طئے کریں گے ۔ مفت رجسٹریشن کے لیے خصوصی رجسٹریشن کاونٹر ہوگا ۔ والدین و سرپرستوں کو چاہئے کہ وہ لڑکے و لڑکیوں کے دو عدد فوٹوز و بائیو ڈاٹاز اپنے ہمراہ لائیں ۔ ایم ڈی ایف کے عہدیداران اور دیگر نے والدین و سرپرستوں سے خواہش کی ہے کہ وہ اس خصوصی پروگرام سے استفادہ کریں ۔ مزید تفصیلات کے لیے محمد عبدالقدیر نائب صدر فورم 9394801526 اور علی رضا سے فون نمبر 9391144469 پر ربط کریں ۔۔
