کولمبو23 اپریل (سیاست ڈاٹ کام) سری لنکا میں سابق صدر مہندا راجہ پکسے کے بھائی اور سابق وزیر برائے اقتصادی ترقی باسل راجہ پکسے کو کرپشن کے الزام میں گرفتار کر لیا گیا ہے۔ غیر ملکی خبر ایجنسی کے مطابق باسل راجہ پکسے کو کرپشن اور خرد برد کے ذریعے سرکاری خزانے کو 70 لاکھ سری لنکن روپے کا نقصان پہنچانے کا الزام ہے۔ حکام نے اسی مقدمے میں دو اعلیٰ حکومتی اہلکاروں کو بھی حراست میں لیا ہے۔ واضح رہے کہ باسل راجہ پکسے اپنے بھائی کے دور اقتدار میں وزیر برائے اقتصادی ترقی کی حیثیت سے ذمہ داریاں نبھا رہے تھے۔
