نئی دہلی 22 اپریل (سیاست ڈاٹ کام) حکومت نے سائبر سکیورٹی خطرات سے نمٹنے کیلئے قومی سطح کے میکانزم کو وضع کرنے کے اقدامات شروع کئے ہیں۔ اس سلسلہ میں 775 کروڑ روپئے خرچ کئے جائیں گے۔ آئندہ 5 سال کے دوران اس رقم کو سائبر سکیورٹی کے لئے استعمال کیا جائے گا۔ پارلیمنٹ میں تحریری جواب دیتے ہوئے وزیر مواصلات و آئی ٹی روی شنکر پرساد نے کہاکہ حکومت نے موجودہ حالات میں سائبر سکیورٹی کو خطرات لاحق ہونے میں اس سے نمٹنے کیلئے میکانزم وضع کیا جارہا ہے۔
