حیدرآباد /27 جولائی (راست) مرکزی رویت ہلال کمیٹی صدر مجلس علمائے دکن کا ماہانہ اجلاس بضمن رویت ہلال ماہ شوال المکرم ۲۹؍ رمضان، 28 جولائی 6 بجے شام بمقام حسینی بلڈنگ معظم جاہی مارکٹ زیر نگرانی مولانا سید محمد قبول پاشاہ قادری الشطاری معتمد صدر مجلس علمائے دکن منعقد ہوگا۔ معزز اراکین رویت ہلال کمیٹی سے شرکت کی خواہش کی گئی ہے اور عامۃ المسلمین سے خواہش کی جاتی ہے کہ جس کسی کو چاند نظر آئے، وہ فون نمبر 24603597 پر 8 بجے تک اور 8 بجے کے بعد فون نمبرات 24576832، 24513246، 24521088 یا موبائل نمبرات 9866112393 اور 9000008138 پر رویت کی صورت میں اطلاع دیں، تاکہ شرعی شہادت کی تکمیل کے بعد اعلان کیا جاسکے۔ رویت ہلال کمیٹی نے رویت کے سلسلے میں معقول انتظامات کئے ہیں، تاکہ حصول اطلاعات میں سہولت ہو۔ نیز مولانا سید محمد قبول پاشاہ شطاری نے عامۃ المسلمین سے اپیل کی ہے کہ رویت ہلال کا مسئلہ دینی اور شرعی اصولوں کے تابع ہے، تاہم سرکردہ مفتی صاحبان کا رویت ہلال کے بعد حتمی فیصلہ ہوگا، لہذا عوام کو چاہئے اس سلسلے میں صبر و ضبط سے کام لیں۔
