تورین۔18 جولائی (سیاست ڈاٹ کام) پرتگالی اسٹرائیکر کرسٹیانو رونالڈو نے کہا ہے کہ وہ اپنے نئے کلب جوونٹس اور اس کے مداحوں کی امیدوں پر پورا اترنا چاہتے ہیں اور کوشش کریں گے کہ ریئل میڈرڈ کی نسبت یہاں زیادہ اچھا کھیل پیش کریں۔نئے کلب کی جرسی زیب تن کرنے کے موقع انہوں نے مزید کہا کہ وہ جوونٹس کے لئے بھی اعلیٰ ترین معیار کا فٹبال کھیلنے کے لئے پر عزم ہیں اور انہیں پورا یقین ہے کہ کلب انتظامیہ اور مداح مایوس نہیں ہوں گے۔ان کی کوشش ہوگی کہ اطالوی کلب کیلئے ہسپانوی کلب ریئل میڈرڈ سے بھی بہتر کارکردگی کا مظاہرہ کریں۔ رونالڈو نئے سیزین میں لا لیگا کے بجائے اٹلی کی فٹبال لیگ ’’سیری اے‘‘ میں ایکشن میں نظر آئیں گے۔ اطالوی کلب کے ساتھ ان کا 100ملین پونڈ کا 4 سالہ معاہدہ اب باضابطہ عملی شکل ا ختیار کرگیا ہے۔ رونالڈو نے کہا کہ وہ انٹر نیشنل فٹبال سے سبکدوش نہیں ہو رہے اور اپنی قومی ٹیم پرتگال کی نمائندگی بھی جاری رکھیں گے۔
