ماسکو ۔ 26 جون (سیاست ڈاٹ کام) کیا خلاء میں بھی کوئی سلطنت آباد ہوسکتی ہے؟ اس کا تو ابھی پتہ نہیں مگر روسی سائنسدان نے پہلی خلائی سلطنت کے سربراہ کے طور پر ذمہ داریاں سنبھال لی ہیں۔ اسپیس کنگڈم آف ایسگارڈیا کی ویانا میں خصوصی تقریب منعقد کی گئی، جس میں روسی ارب پتی کاروباری شخصیت اور سائنسدان ایگورایشر بیلی نے حلف اٹھایا۔ وہ جنوری 2017ء میں پانچ سالہ مدت کیلئے سربراہ منتخب ہوئے تھے اور اس دن خلائی سلطنت کے کیلینڈر کی ابتداء قرار دیا گیا۔ ایشر بیلی نے کہا کہ وہ زمین کے مختلف ملکوں سے سفارتی تعلقات قائم کریں گے اور اقوام متحدہ کی رکنیت کیلئے بھی درخواست دیں گے۔
