واشنگٹن 21 مئی (سیاست ڈاٹ کام ) صدر امریکہ بارک اوباما نے اہم عراقی سرزمین پر دولت اسلامیہ کے قبضہ کو ایک دفاعی دھکہ قرار دیا تاہم پُر زور الفاظ میںکہا کہ جہادی گروپ کے خلاف جنگ میں امریکہ کو شکست نہیںہوئی ہے۔ انہوں نے کہا کہ ہم نہیںہار رہے ہیں۔ وہ خبررساں رسالہ اٹلانٹک کو عراق کے شہر رمضی پر دولت اسلامیہ کے قبضہ کے بعد انٹرویو دے رہے تھے ۔ انہوں نے کہا کہ امریکی زیر قیادت اتحادی فوجیوں نے عراق اور شام میں باغیوں کے ٹھکانوں پر فضائی حملے کرتے ہوئے 6 ہزار سے زیادہ افراد کو ہلاک کردیا ہے ۔ انہوں نے کہا کہ یہ سال ہم نے کافی کامیابیاں حاصل کی ہیں یہ کہنا غلط ہے کہ امریکہ دولت اسلامیہ کے خلاف جنگ میںہار گیا ہے۔
