ڈھاکہ۔ 16؍نومبر (سیاست ڈاٹ کام)۔ بنگلہ دیش کی وزیراعظم شیخ حسینہ نے کہا ہے کہ جنگی جرائم میں ملوث افراد کے خلاف مقدمات جاری رہیں گے۔ ڈھاکہ میں ایک کنونشن سے خطاب کرتے ہوئے وزیراعظم شیخ حسینہ نے کہا کہ مقامی اور عالمی ذرائع ابلاغ کے دباؤ کے باوجود جنگی جرائم میں ملوث افراد کے خلاف مقدمات چلتے رہیں گے اور مظلوموں کو اِنصاف ملے گا۔ انھوں نے کہا کہ مقدمات چلانے کا مطالبہ دراصل ان متاثرہ افراد کا ہے جن کے اہل خاندان کو 1971ء کی جنگ کے دوران قتل کردیا گیا تھا۔ متاثرین صرف اِنصاف کے طلب گار ہیں، اسی لئے ان جنگی جرائم میں ملوث افراد کے خلاف مقدمات آئندہ بھی جاری رہیں گے۔
