نئی دہلی۔ 29 جولائی (سیاست ڈاٹ کام)پاکستان کے وزیر اعظم بننے جا رہے پہلے کرکٹ کپتان عمران خان کا ایک بار جب نریندر مودی سے آمنا سامنا ہوا تھا تو وہ بری طرح گھبرا گئے تھے ۔یہ واقعہ 2006ء میں یہاں ایک کانفرنس کے دوران ہوا تھا۔ مودی اس وقت گجرات کے وزیر اعلی تھے ۔ اس واقعہ کا انکشاف عمران پر لکھی گئی کتاب ‘عمران وریسز عمران-دی ان ٹولڈ اسٹوڑی ‘ میں کیا گیا ہے ۔ پاکستان میں حالیہ قومی اسمبلی کے انتخابات میں عمران خان کی پارٹی ‘پاکستان تحریک انصاف’سب سے بڑی پارٹی کے طور پر ابھری ہے اور وہ اقتدار میں آرہی ہے ۔عمران خان اور مودی کو اس کانفرنس میں اسپیکر کے طور پر مدعو کیا گیا تھا۔ عمران کو یہ اطلاع نہیں تھی کہ مودی بھی ان کے پیانل میں شامل ہیں۔ وہ اپنی سیٹ پر بیٹھے ہی تھے کہ انہوں نے دیکھا کہ سامنے سے مودی ان کی طرف چلے آرہے ہیں۔ مودی ایک جھٹکے میں ان کے ٹھیک سامنے آ گئے جنہیں دیکھ کر عمران خان حیرت زدہ رہ گئے ۔انہوں نے نظریں بچانے کی کوشش کی لیکن مودی نے ان سے گرم جوشی کے ساتھ ہاتھ ملایا۔
نہ چاہتے ہوئے بھی عمران کو مجبوراً کھڑے ہونا پڑا۔ مودی نے عمران خاں کے ساتھ بات چیت میں ان کی کرکٹ کی مہارت کی جم کر تعریف کی۔ انہوں نے عمران کی قیادت میں پاکستانی کرکٹ ٹیم اور ہندوستانی ٹیم کے کئی مقابلوں کو یاد کیا۔
