حیدرآباد ۔ 13 جون (راست) روزنامہ سیاست، دوردرشن یادگیری اور سماج درپن کے زیراہتمام جشن تلنگانہ کے ایک حصہ کے طور پر ایک پر اثر محفل سماع 15 جون کو شام 7 بجے بھارتیہ ودیا بھون کنگ کوٹھی روڈ بشیرباغ پر منعقد کی جائے گی، جس میں قوال برادران نظیر نصیر وارثی اس محفل میں وجدآور قوالیاں پیش کریں گے اور یادگار محفل سماع کی صدارت جناب زاہد علی خاں ایڈیٹر روزنامہ سیاست کریں گے جبکہ حکومت تلنگانہ کے مشیر ثقافتی اور مسٹر کے وی رمناچاری مہمان خصوصی ہوں گے۔ شریمتی سیلجاسمن ڈائرکٹر جنرل دوردرشن اور جناب شجاعت علی آئی آئی ایس ڈپٹی ڈائرکٹر نیوز دوردرشن استقبالیہ خطاب کریں گے۔ کوآرڈینیٹر سکریٹری سماج درپن ثروت علی نے شائقین قوالی سے اپنے تمام افراد خاندان کے ساتھ شرکت کرنے کی گذارش کی ہے جبکہ اس شو میں داخلے کی عام اجازت رہے گی۔
