حیدرآباد ۔ 27 ۔ مارچ : ( پریس نوٹ ) : پروفیسر ایس اے شکور ڈائرکٹر سی ای ڈی ایم کے بموجب محکمہ اقلیتی بہبود ، حکومت آندھرا پردیش کے زیر سرپرستی مرکز تعلیمی ترقی برائے اقلیتی طبقات ، جامعہ عثمانیہ کے زیر اہتمام ایمسیٹ 2014 میں شرکت کرنے والے اقلیتی امیدوار یعنی مسلم ، عیسائی ، سکھ ، بدھسٹ اور پارسی طبقات سے تعلق رکھنے والوں کے لیے سنٹر سی ای ڈی ایم کی جانب سے 15-4-2014 تا 15-05-2014 نظام کالج بشیر باغ حیدرآباد کے علاوہ علاقائی مرکز تعلیمی ترقی برائے اقلیتی طبقات ، عثمانیہ کالج کرنول ، علاقائی مرکز تعلیمی ترقی برائے اقلیتی طبقات ، آندھرا مسلم کالج پونور روڈ ، گنٹور علاقائی مرکز تعلیمی ترقی برائے اقلیتی طبقات 16GF ، پیتاپورم بیچ کوارٹرس ، آندھرا یونیورسٹی کیمپس ، وشاکھا پٹنم ، گورنمنٹ ہائی اسکول ، ظہیر آباد ، گورنمنٹ بائز جونیر کالج ، قلعہ روڈ نظام آباد ، ین ٹی آر گورنمنٹ ڈگری کالج فار ویمن ، محبوب نگر اور میونسپل اردو ہائی اسکول ، کوتا کوٹالا ، پرودٹور ، کڑپہ اور سی ای ڈی ایم اسٹڈی سنٹر ، ولی صاحب روڈ ، کدری اننت پور ، پر مفت کوچنگ دی جائے گی ۔ ایسے طلباء جنہوں نے کم از کم 60 فیصد نشانات حاصل کرتے ہوئے انٹر میڈیٹ کامیاب کیا ہے یا انٹر سال اول میں 60 فیصد نشانات حاصل کئے ہوں اور سال دوم کا امتحان لکھ چکے ہیں داخلہ کے مستحق ہیں ۔ اس کوچنگ سے استفادہ کرنے کے خواہش مند اقلیتی طلباء اپنے درخواست میمورنڈم آف مارکس سال دوم / سال اول کی زیراکس کاپی ، مع اصل میمو برائے تنقیح سال دوم کے ہال ٹکٹ کی زیراکس کاپی ۔ ایمسیٹ 2014 آن لائن درخواست فارم کی زیراکس کاپی اور دو پاسپورٹ سائز فوٹوز کے ساتھ متعلقہ مراکز پر 11-4-2014 تک داخل کرسکتے ہیں ۔۔
