نیو یارک، 14 مئی (سیاست ڈاٹ کام) امریکہ میں پیدائش کے وقت جڑواں بہنوں نے ایک دوسرے کے ہاتھ تھام رکھے تھے۔ خبر رساں ادارے کے مطابق نوزائیدہ بچوں کی ماں نے بتایا کہ دونوں بہنوں کو وینٹی لیٹر سے ہٹا دیا گیا ہے اور اب وہ خود سانس لے رہی ہیں۔ 32 سالہ سارہ تھیسلتویت نے مزید کہا کہ مائوں کے عالمی دن پر یہ اُن کیلئے بہترین تحفہ رہا۔ ’’مجھے یقین نہیں ہو رہا کہ ان دونوں نے ایک دوسرے کے ہاتھ تھام رکھے تھے۔‘‘ جڑواں بہنیں امریکی ریاست اوہائیو میں پیدا ہوئیں اور جب ڈاکٹروں نے انھیں والدین کو دکھانے کیلئے اوپر اٹھایا تو دونوں نے ایک دوسرے کا ہاتھ تھام رکھا تھا۔ سارہ گزشتہ کئی ہفتوں سے ایکن میڈیکل سنٹر میں ڈاکٹروں کی زیر نگرانی تھیں کیونکہ بچہ دانی میں ان کی دونوں بیٹیوں کی خوراک کی نالیاں ایک دوسرے میں گڈ مڈ ہو گئی تھیں۔ ڈاکٹروں نے پیدائش سے قبل بچوں کی صحت کے بارے میں تشویش کا اظہار کیا تھا۔
اسپین میں فرضی کمپنیاں قائم کرنے پر 740 افراد گرفتار
میڈرڈ ۔ 14 مئی ۔ ( سیاست ڈاٹ کام ) اسپینی پولیس نے آج کہا کہ انھوں نے سوشیل سکیورٹی کے فوائد حاصل کرنے کی خاطر فرضی بزنس ظاہر قائم کرنے کے معاملوں کی بڑے پیمانے پر تحقیقات کے دوران 740 افراد کو گرفتار کرلیا ۔ یہ سرگرمیاں اسپین میں قیام اور بیرونی افراد کے لئے ورک پرمٹس کے حصول کیلئے بھی جاری تھیں۔ پولیس نے کہا کہ ان اسکامس میں 28 ملین امریکی ڈالر کی دھوکہ دہی کا تخمینہ ہے ۔