واشنگٹن ۔6 اکتوبر۔(سیاست ڈاٹ کام) امریکی وزیر خارجہ مائیک پومپیو دورۂ ایشیا کے آغازپر جاپان کے شہر ٹوکیو پہنچ گئے۔پومپیو آج جاپانی وزیراعظم شنزوایبے اور جاپانی وزیرخارجہ سے ملاقات کریں گے۔ذرائع کے مطابق ملاقات میں دیگر امور کے ساتھ شمالی کوریا کے معاملے پر بھی گفتگو ہوئی۔امریکی وزیرخارجہ کل شمالی کوریا جائیں گے جہاں وہ شمالی کوریا کے سربراہ اور امریکی صدر کے درمیان ملاقات سے متعلق امور پر گفتگو کریں گے۔ واضح رہے کہ مائیک پومپیو جنوبی کوریا اور چین کا بھی دورہ کریں گے۔
