اینڈوور / میساچوسیٹس، 14 ستمبر (سیاست ڈاٹ کام) امریکی ریاست میسا چوسٹس کے بوسٹن شہر کے نزدیک جمعرات کو ایک قدرتی گیس پائپ لائن ٹوٹنے کے بعد ہوئے متعدد گیس دھماکوں کی وجہ سے تین شہروں کو کافی نقصان ہونے کے ساتھ کم از کم چھ افراد زخمی ہو گئے ۔ مقامی حکام کے مطابق گیس دھماکوں کی وجہ سے سینکڑوں لوگوں کو محفوظ مقامات پر منتقل کیا جا رہا ہے ۔ مقامی ٹیلی ویژن چینلوں پر جاری تصاویر میں میسا چوسیٹس کے دارالحکومت بوسٹن سے تقریبا 40 کلومیٹر دور شمال میں لارینس، اینڈوور اور شمالی اینڈوور می فائربریگیڈ محکمہ کے عملے کو آگ بجھاتے ہوئے دیکھا گیا۔ سلسلہ وار گیس دھماکوں کو دیکھتے ہوئے متاثرہ علاقے میں برقی سربراہی منقطع اور علاقے میں گیس پائپ لائن سروس فوری طورسے بند کر دی گئی ہے جبکہ زخمی افراد کو لارینس جنرل ہاسپٹل میں شریک کرایا گیا ہے ۔
