سکریٹری ؍ ڈائرکٹر اکیڈیمی پروفیسر ایس اے شکور کا بیان
حیدرآباد ۔20 ستمبر (پریس نوٹ) اردو اکیڈیمی آندھراپردیش کے زیراہتمام علاقہ آندھرا اور رائلسیما میں قائم 33 کمپیوٹر ٹریننگ سنٹرس میں اڈوانس ڈپلوما ان اڈوانس کمپیوٹر اپلی کیشن اینڈ ملٹی لنگول ڈی ٹی پی کورس و ہارڈویر سال 2013-14ء کے بیاچ کے فائنل امتحان 21 ستمبر کو صبح 9 تا 11.30 بجے دن متعلقہ سنٹرس پر منعقد ہوں گے۔ پروفیسر ایس اے شکور ڈائرکٹر ؍ سکریٹری اردو اکیڈیمی آندھراپردیش نے کہا کہ علاقہ تلنگانہ، رائلسیما اور آندھرا میں اردو اکیڈیمی کے زیراہتمام چلائے جانے والے 76 فائنل امتحانات منعقد ہوں گے جبکہ علاقہ تلنگانہ کے 31 سنٹرس کے امتحان 28 ستمبر کو اور شہر حیدرآباد کے 12 سنٹرس کے فائنل بھی اسی ماہ منعقد کئے جارے ہیں۔ ڈائرکٹر ؍ سکریٹری اردو اکیڈیمی نے بتایا کہ 21 ستمبر کو جن 33 کمپیوٹر سنٹرس کے فائنل امتحان منعقدکئے جارہے ہیں ان میں کرنول، نندیال اور آتماکور (ضلع کرنول)، کڑپہ، پلی ویندلہ، رائے چوٹی اور میدوکور (ضلع کڑپہ)، اننت پور، تاڈے پتری اور کدری (ضلع اننت پور)، چتور، مدن پلی، کلکری اور وائل پاڈو (ضلع چتور)، نیلور، اودے گری اور راپور (ضلع نیلور)، گنٹور، گنٹور 2 ، نرسا راؤ پیٹ، تنالی، چلکلوری پیٹ، پڈوگورالہ اور منگل گیری (ضلع گنٹور)، وجئے واڑہ اور جگیا پیٹ (ضلع کرشنا)، چیرالہ، گدالور، پرچور اور اونگول (ضلع پرکاشم)، کاکناڈا (ضلع مشرقی گوداوری)، نڈدول اور ایلورو (ضلع مغربی گوداوری) شامل ہیں۔ انہوں نے بتایا کہ علاقہ آندھرا اور رائلسیما کے 33 سنٹرس میں جملہ 1748 طلباء و طالبات اس امتحان میں شرکت کررہے ہیں۔
