حیدرآباد ۔ 7۔ مارچ : ( راست ) : ادارہ سیاست کے زیر اہتمام ایک روزہ مفت حجامہ کیمپ برائے خواتین کا چہارشنبہ 19 مارچ ( 17 جمادی الاول ) 9 بجے دن سے 2 بجے دن تک محبوب حسین جگر ہال احاطہ روزنامہ سیاست عابڈس انعقاد عمل میں لایا جارہا ہے ۔ حکیم سید غوث الدین کوآرڈینٹر کیمپ نے بتایا کہ حیدرآباد کے ماہر ڈاکٹرس ڈاکٹر یسریٰ فاطمہ ، ڈاکٹر کوثر فاطمہ ، ڈاکٹر منیر فاطمہ ، ڈاکٹر جویریہ عرشین ، ڈاکٹر ہاجرہ ، ڈاکٹر سعدیہ کوثر کے علاوہ دیگر اسٹاف مریضوں کا معائنہ کریں گے اور مفت حجامہ کیا جائے گا ۔ ایسے خواتین جو کمر کے درد ، جوڑوں کے درد ، گھٹنوں کے درد ، پیٹھ کا درد ، پٹھوں کااکڑاؤ ، امراض نسواں ، بے خوابی ، ذیابطیس ، بی پی ، عرق النساء میں مبتلا مریض اپنے نام رجسٹرڈ کروائیں ۔ حجامہ صحت مند خواتین بھی کرواسکتے ہیں ۔ ڈاکٹرس مرض کے علاج کے حساب سے کپ کا تعین کریں گے ۔ مریضہ سے فی کپ 50 روپئے علحدہ سے لیے جائیں گے ۔ حجامہ کیمپ سے استفادہ کے خواہش مند مریض اپنا نام فون نمبر 040-65699966 پر رجسٹریشن کروائیں ۔ رجسٹریشن کے اوقات 11 بجے دن سے 4 بجے شام تک رہیں گے ۔۔
