صنعا26 جنوری (سیاست ڈاٹ کام)نیم فوجی جنگوؤں نے تین صحافیوں کو گرفتار کرلیا جو صنعا میں ایک احتجاجی پروگرام کی رپورٹنگ کررہے تھے ۔ یہ احتجاج باغیوں کے یمن کے دارالحکومت پر قبضہ کے خلاف کیا جارہا تھا ۔ صحافیوں کی یونین کے معتمد عمومی مروان دماج نے بھی کہا کہ خاتون آزاد پیشہ صحافیوں ہدا الزبہانی کو زدوکوب بھی کیا گیا ۔ رائٹرس کے فوٹو جرنلسٹ محمد السیاغی کو اُن کے ساتھی یمنیوں صمد السمیع روزنامہ لولا اور یحی القبطی ال اشتراکی خبر رساں ویب سائیٹ کے ساتھ گرفتار کرلیا گیا ۔ بعدازاں قبطی کو ایک گھنٹہ تفتیش کے بعد رہا کردیا گیا ۔ کل ہزاروں یمنی احتجاج کرتے ہوئے سڑکوں پر نکل آئے تھے یہ صنعا میں اب تک کا سب سے بڑا مظاہرہ تھا ۔ جو حوثیوں کے خلاف کیا گیا تھا جنہوں نے ستمبر میںکسی مزاحمت کے بغیر صنعا پر قبضہ کرلیا ہے ۔
