اولڈ ٹریفورڈ ۔6 مئی (سیاست ڈاٹ کام ) کرکٹ کے میگا ایونٹ آئی سی سی ورلڈکپ 2019ء میں ہند۔پاک مقابلوں کے تمام ٹکٹس چندگھنٹوں میں ہی فروخت ہوگئے۔ انٹرنیشنل کرکٹ کونسل (آئی سی سی) کے میگا ایونٹ کے لئے روایتی حریف ہندوستان اور پاکستان کی ٹیموں کے درمیان اولڈ ٹریفورڈ میں16 جون کو میچ کھیلا جائے گا، جس کے تمام ٹکٹس صرف 48گھنٹوں میں ہی فروخت ہوگئے۔ میڈیا رپورٹس کے مطابق کرکٹ شائقین روایتی حریف ہند۔پاک کے میچ کو فائنل سے بھی زیادہ اہمیت دے رہے ہیں۔ یہ میچ دیکھنے کے خواہشمندوں کی تعداد4 لاکھ سے تجاوز کرچکی ہے جبکہ اسٹیڈیم میں صرف 26 ہزار شائقین کے بیٹھنے کی گنجائش ہے۔ واضح رہے کہ کرکٹ ورلڈ کپ 2019 ، 30 مئی سے 14جون تک انگلینڈ اور ویلزمیں کھیلا جائے گا۔10ملکی ایونٹ میں انگلینڈ، آسٹریلیا، جنوبی افریقہ، پاکستان، ہندوستان ، ویسٹ انڈیز، نیوزی لینڈ، افغانستان، بنگلہ دیش اورسری لنکا کی ٹیمیں شامل ہیں۔ ٹورنمنٹ کے مختلف میچز ڈے اینڈ نائٹ ہوں گے جبکہ ٹورنمنٹ میں مجموعی طور پر48 میچ کھیلے جائیں گے۔ ان میچز میں زیادہ توجہ کا مرکز ہمیشہ کی طرح ہندوستان اور پاکستان کا 16 جون کو کھیلا جانے والا مقابلہ بنے گا۔ ٹکٹوں کی فروخت شروع ہوئی تو روایتی حریفوں میں مقابلے کے تمام ٹکٹ چند گھنٹوں میں ہی فروخت ہوگئے۔ واضح رہے کہ میزبان انگلینڈ اور جنوبی افریقہ ٹورنمنٹ کا پہلے میچ اوول کے میدان پر 30 مئی کو کھیلا جائے گا اور ہندوستان اپنا پہلا مقابلہ جنوبی افریقہ کے خلاف کھیلا گا۔ تان اور ہندوستان کا مقابلہ 16 جون کو ہوگا۔
