تانڈور۔3جولائی( سیاست ڈسٹرکٹ نیوز) ہریتا ہارم پروگرام کا آج 3جولائی سے آغاز ہوا ۔دفتر بلدیہ کے احاطہ میں شریمتی وجئے لکشمی چیرمین بلدیہ کے ہاتھوں شجرکاری کی گئی ‘ پودے لگائے گئے ۔ اس موقع پر ساجد علی وائس چیرمین ‘ ارکان بلدیہ کے علاوہ وشواناتھ راؤ فارسٹ رینج آفیسر ایف آر او تانڈور بھی موجود تھے ۔ انہوں نے بتایا کہ ان کے دائرہ اختیار میں پانچ منڈلس ہیں ۔ ان میں جملہ 10لاکھ پودے لگانے کا نشانہ مقرر کیا گیا ہے ‘ تقسیم کیلئے محفوظ رکھے گئے ہیں ۔ مطالبہ پر مفت سربراہ کئے جائیں گے ۔ تمام میں واقع تمام سرکاری دفاتر کی کھلی اراضی پر پودے لگائے جارہے ہیں ۔
