لندن ۔6 اگسٹ (سیاست ڈاٹ کام )ویمنز ہاکی ورلڈ کپ کے فائنل میں ہالینڈ نے آئرلینڈ کو6-0 سے شکست دے کر 8 ویں مرتبہ ورلڈچمپئن بننے کا اعزاز حاصل کرلیا جبکہ اسپین نے آسٹریلیا کو 3-1سے ہرا کر تیسرا مقام حاصل کرلیا۔فائنل میچ میں خطاب کا دفاع کرنیوالی ہالینڈ کی ٹیم میچ کے آغا ز سے ہی حریف ٹیم آئرلینڈ پر چھائی رہی۔کھیل کے 7ویں ہی منٹ میں ویلٹن لائیڈوج نے گول کرکے ہالینڈ کو برتری دلائی۔ دوسرے کوارٹرمیں کھیل کے 19ویں منٹ میں جونکر کیلی نے دوسرا گول کرکے ہالینڈکے موقف کو مستحکم کیا۔کھیل کے 28 ویںمنٹ میں وان میل کیٹی نے پنلٹی کارنرپرگول کرکے ہالینڈ کی برتری 3-0 کردی جبکہ 2منٹ بعد فیننسکس مالیو نے گول کرکے اسکور4-0 کردیا۔تیسرے کوارٹر میں کھیل کے 32ویں منٹ میں کیٹلس مارلوس نے ہالینڈ کی طرف سے 5 واں گول کیا۔اس کے 2 منٹ بعد وان ماساکیر سیانے پنلٹی کارنر پر گول کرکے ہالینڈ کو6-0 کی برتری دلادی جو میچ کا حتمی اسکور بھی ثابت ہوا اور ہالینڈ ویمنز ہاکی ورلڈ کپ کا خطاب 8ویں بار اپنے نام کرنے میں کامیاب رہا۔اس سے قبل تیسرے مقام کے میچ میں اسپین کی لوپاز ماریا نے کھیل کے 11ویں منٹ میں گول کرکے برتری حاصل کی جسے بوناسٹرے برٹا نے 14ویں منٹ میں گول داغ کر 2-0 کردیا۔آسٹریلیا کی طرف سے واحد گول تیسرے کوارٹرمیں کھیل کے 40 ویں منٹ سلیٹری کیتھرین نے کیا۔اسپین کی ماغازالیسیا نے آخری کوارٹر میں کھیل کے 51ویں منٹ میں گول کرکے اسپین کی برتری 3-1کردی اور ایونٹ میں اپنی ٹیم کی تیسرا مقام دلوایا۔
